Вызначэнне канстытуцыйна-прававой прыроды грамадскіх фарміраванняў ва ўмовах трансфармацыі канстытуцыйных норм і пабудовы інфармацыйнага грамадства

Abstract

Разглядаюцца тэарэтычныя і фармальна-юрыдычныя аспекты вызначэння канстытуцыйна- прававой прыроды грамадскіх фарміраванняў ва ўмовах трансфармацыі канстытуцыйных норм і пабудовы інфармацыйнага грамадства ў Рэспубліцы Беларусь. Адзначаецца, што канстытуцыйна- прававая прырода грамадскіх фарміраванняў у фармальна-юрыдычным аспекце прысутнічае ў межах іерархічнага спалучэння канстытуцыйных норм-прынцыпаў і развіваючых іх канкрэтных норм, якія ў сваёй сукупнасці праз канстытуцыйныя паняцці відавой прыналежнасці замацоўваюць найбольш істотныя прыкметы, што характарызуюць іх як асобную прававую з’яву. У якасці асаблівасцей пазітыўнага ўвасаблення грамадскіх фарміраванняў у межах трансфармацыі канстытуцыйных норм адзначаецца цыклічны характар іх функцыянальнага вызначэння, які замацоўвае змены канстытуцыйных сэнсаў адносна месца і значэння грамадскіх фарміраванняў сярод іншых прававых з’яў. Прапануецца замацаваць легальную дэфініцыю грамадскага фарміравання як радавога паняцця ў межах родавідавой мадэлі, улічваючы, што грамадскія фарміраванні выступаюць як структурна-функцыянальная аснова грамадзянскай супольнасці, забяспечыць канстытуцыйна-прававое рэгуляванне стварэння і дзейнасці грамадскіх фарміраванняў новага тыпу, якія функцыянуюць у віртуальнай прасторы.